Ang Akong Amega nga Blaan

By: Sandae Shine B. Pareda

January 26, 2022

Ako si Sandae, usa ka nitibo nga Blaan, taga Davao Occidental. Aduna koy amega (kaibigan) sa among lugar na dili gyud nako makalimtan. Siya mao ang akong kababata.

From Google Maps: Ang Balut Island, Davao Occidental

Kaniadto, sa mga gagmay pa mi, permi mi mag-uban sa akong lola sa bukid tungod kay kini akong amega suod na kaayo sa among pamilya. Dili gyud nako sya makalimtan tungod sa maayo niya nga batasan na ginapakita niya namo.

Mao kini ang among lugar sa Balut Island, Davao Occidental. Lami kaayo sa paminaw na naga-tinabangay tanan mag-pamilya sa mga trabahuon sa bukid. Photos courtesy of Edreal Sierra

Ang akong amega kay buotan, mapinanggaon, manghinatagon ug masinabuton. Sa iyaha nako nakita ang batasan sa isa ka Blaan na dili gyud mag-give up basta-basta bisag unsa kalisod sa mga pagsulay na moabot sa iyang kinabuhi . Kaya niya sulbaron ang iyang mga problema ug dili siya mahimutang kung adunay mangayo ug tabang niya na dili siya makatabang.

Kabalo ko na ang batasan sa usa ka lumad: bahala ug magkalisod siya sa iyang sarili, ang importante na makatabang siya sa mga nanginahanglan. Bisan unsa kalisod, dili sila gusto na malayo sa ilang pamilya dapat mag tinabangay gyud. Mao kini ang batasan sa akong amega na dili gyud nako makalimtan. #